Saltfiskurinn

• 800 gr saltfiskhnakkar 

• Hveiti 

• Ólífuolía til steikingar  

Skerið saltfiskinn í ca. 200 gr steikur. Þerrið fiskinn með pappír og veltið honum svo upp úr hveitinu. Hellið ólífuolíunni á steikarpönnu svo að hún nái allavega 2 cm dýpt. Hitið olíuna og steikið fiskinn í ca. 3 mín á hvorri hlið eða þar til saltfiskurinn er orðinn gullin brúnn. 

Sinnepskartöflumús 

• 4 stk bökunarkartöflur (fullbakaðar og afhýddar) 

• 2 msk grófkornasinnep  

• ½ liter rjómi 

• sjávarsalt 

Setjið kartöflurnar í pott með rjómanum og sjóðið saman í ca. 7 mín. Bætið sinnepinu út í og smakkið til með saltinu.

Lauksulta 

• 4 stk hvítir laukar 

• 3-4 msk Olía 

• 1 msk fínt skorin steinselja 

• Sherryedik  

• Sjávarsalt 

• Svartur pipar úr kvörn 

Skrælið og skerið laukinn fínt niður. Hellið olíu í pott, setjið laukinn í pottinn og eldið við lágan hita í ca. 1 klst eða þar til laukurinn er orðinn mjúkur í gegn. Smakkið laukinn til með sherry edikinu og saltinu og piparnum.

Tómat-vinaigretta 

• 150 ml ólífuolía 

• 4 stk plómutómatar 

• 1 stk laukur 

• 2 stk hvítlauksgeirar 

• 2 msk fínt skorinn graslaukur 

• 1 msk dijonsinnep 

• 1 msk sherry edik

• 1 tsk sykur 

• ½ tsk fennel fræ (ristuð og brotin í morteli)

• Sjávarsalt 

• Svartur pipar úr kvörn

Skerið tómatana í fernt og setjið ca. 1 msk af olífuolíu út á pönnuna og steikið tómatana í 2 mín á hvorri hlið. Bætið restinni af olíunni út á pönnuna ásamt, lauknum og hvítlauknum og eldið í ca. 5 mín í viðbót. Hellið öllu af pönnunni í skál og hrærið svo restinni af hráefnunum vel saman við og smakkið til með saltinu og piparnum.