Tómatpestó 

• 100 ml ólífuolía

• 120 gr tómatpurré 

• 50 gr ristaðar kasjúhnetur

• 35 gr rifinn parmesan ostur

• ½ búnt graslaukur 

• Sjávarsalt  

Setjið allt hráefnið saman í blender eða matvinnsluvél og vinnið vel saman, smakkið til með saltinu.

Flatbökubotn

• 250 gr spelt 

• 50 gr sólblómafræ 

• 50 gr graskersfræ

• 50 heslihnetuflögur 

• 1 tsk lyftiduft 

• 2 tsk oregano 

• 1 tsk sjávarsalt 

• 3 msk ólífuolía

• 180-200 ml vatn

Blandið þurrefnunum saman í hrærivélaskál, bætið olíunni út í og hellið vatninu rólega saman við í lokin. Skiptið deiginu upp í 4 hluta og gerið úr því 4 flatbökur. Setjið á bökunarplötu með bökunarpappír undir og inn í 200 gráðu heitan ofninn í 7 mín. Takið botninn út og látið hann standa og kólna í 10 mín. 

Meðlæti á flatböku 

• 1 stk eggaldin 

• 1 msk paprikuduft

• 1 msk hvítlauksduft  

• 1 askja konfekt tómatar 

• 1 msk hvítlauksolía 

• 4 msk niðursoðið balsamic edik

• 1 poki klettasalat  

• 2 msk ristaðar heslihnetuflögur 

• 12 stk pikklaðir perlulaukar 

• kjúklingur og hráskinka 

• 4 msk rifinn parmesan ostur 

• ólífuolía 

• Sjávarsalt 

• Svartur pipar úr kvörn 

Skerið eggaldinið í ca. 20 bita og setjið í skál með ólífuolíunni, paprikuduftinu og hvítlausduftinu og blandið vel saman. Setjið á bökunarplötu og inn í 210 gráðu heitan ofninn í 20-25 mín eða þar til eggaldinið er orðið stökkt að utan. Skerið konfekt tómatana í fernt og setjið í skál með balsamic edikinu og hvítlauksolíunni og kryddið með saltinu og piparnum. Smyrjið pestóinu yfir botninn, raðið svo öllu hráefninu saman á bökuna og rífið ferskan parmesan yfir.   

Hægelduð kjúklingabringa í tómat-hvítlauk og oregano

• 2 stk kjúklingabringa 

• 1 flaska tómat passata

• 1 hvítlauksgeiri 

• 1 msk origano

• 1 msk sjávarsalt

• 1 msk grænmeti þurrkraftur 

• Sjávarsalt 

• Svartur pipar úr kvörn

Setjið allt hráefnið nema kjúklingabringurnar í pott og sjóðið saman í 20 mín. Maukið síðan með töfrasprota og smakkið til með saltinu og piparnum. Setjið kjúklingabringurnar í eldfast mót og hellið sósunni yfir. Setjið inn í 180 gráðu heitan ofninn í 20-25 mín. eða þar til bringurnar hafa náð 74 gráðum í kjarnhita.