Pastadeig 

• 250 gr hveiti 

• 2 egg

• 3 eggjarauður

• 1 msk ólífuolía  

• ½ tsk salt 

Setjið hveitið og saltið saman í skál og blandið vel saman. Gerið holu í miðjuna á hveitinu og setjið eggin, eggjarauðurnar og ólífuolíuna í holuna og blandið öllu varlega saman. Hnoðið deigið í höndunum og setjið svo í plastfilmu og inn í ísskáp í 1 klst. Fletjið svo út í pastavél eða með kefli í að minnsta kosti 2 mm þykkt. Skerið í þunnar ræmur og setjið í sjóðandi vatn með salti í ca. 3 mín.

Kjúklingabollur 

• 550 gr kjúklingalæri úrbeinað

• 6 msk brauðraspur 

• 2 msk salvía (fínt skorin)

• 2 msk steinselja (fínt skorin)

• 1 tsk Chili sambal oelek

• ½  stk hvítlauksrif (fínt rifinn)

• 1 msk sjávarsalt  

Skerið kjúklingalærin niður í eins smá bita og þið getið. Setjið skorin kjúklingalærinn með öllu hinu hráefninu saman í skál. Rúllið upp í ca. 25-30 gr. bollur og setjið á bökunarplötu inn í 200 gráðu heitan ofninn í 20 mín.

Spínatsósa

• 5 skallotlaukur (skrældur og gróft skorinn)

• 1 stk hvítlauksgeiri (skrældur og gróft skorinn)

• 1 poki spínat (100 gr)

• ½ liter rjómi

• 3 msk grænmetiskraftur   

• safi úr ½ sítrónu 

• sjávarsalt 

• svartur pipar úr kvörn

Hitið pott með olíu í og steikið laukinn og hvítlaukinn þar til hann er orðinn mjúkur. Bætið spínatinu út í ásamt rjómanum og sjóðið saman í ca. 15-20 mín.

Maukið sósuna með töfrasprota eða í blenderkönnu og smakkið sósuna til með grænmetiskrafti, sítrónusafa, salti og pipar.

Meðlæti með bollum

• Steiktir portóbellósveppir 

•  Rifinn ferskur parmesan ostur

• Rifið hrátt brokkolí

• Sítrónubátur 

• Ristaðar furuhnetur