Nautafille  

• 600 gr nautafille (fullhreinsað)

• 100 ml appelsínusafi 

• 100 ml ólífuolía 

• 1 tsk fínt salt

• ½ hvítlauksgeiri

• Sjávarsalt 

• Svartur pipar úr kvörn

Skerið kjötið í 150 gr steikur og berjið það með kjöthamri þar til það er orðið 1 cm þykkt. Setjið appelsínusafann, saltið, hvítlaukinn og olíuna saman í matvinnsluvél og vinnið saman í 1 mín. Hellið blöndunni yfir kjötið og látið kjötið marinerast í 1-2 tíma. Steikið svo kjötið á heitri grillpönnu í ca 1,5 mín á hvorri hlið. Takið kjötið af pönnunni og leyfið því að hvíla undir álpappír í 10 mín. 

Hindberjavinagrette 

• 100 ml ólífuolía 

• 100 gr frosin hindber 

• 2 msk balsamico edik

• 2 msk maple síróp 

Setjið allt hráefnið saman í blender og blandið vel saman. 

Meðlæti 

• 1 stk gráðaostur 

• 1 stk rauðlaukur (skrældur)

• ½ stk grasker 

• ½ stk hunangsmelóna  

• 50 ml ólífuolía  

• 1 msk hvítlauksduft 

• 1 tsk cayenne pipar 

• 1 box baunaspírur 

• 100 gr blandað salat

• 50 gr ristaðar möndluflögur 

• sjávarsalt

• svartur pipar úr kvörn

Skerið rauðlaukinn gróft niður og graskerið í ca 2 cm þykka kubba og setjið í skál með þurrkryddunum og ólífuolíunni. Blandið þessu svo saman og kryddið með salti og pipar. Setjið í 200 gráðu heitan ofn og bakið í uþb. 20 mín eða þar til hvoru tveggja er eldað í gegn. Skrælið og skerið melónuna í stóra kubba og myljið gráðaostinn niður. Þvoið salatið og setjið á fat, raðið melónunum, lauknum og graskerinu ofan á það. Skerið kjötið í þunnar strimla, kryddið það með salti og pipar og dreifið jafnt yfir allt fatið. Endið á að dreifa hindberjavinaigrette, ostinum og baunaspírunum yfir kjötið.